Notas
-
Turgalicia sorteará a través da súa páxina de Facebook e outros sitios da Internet un total de 1.878 paquetes deste programa que inclúen actividades turísticas en toda a comunidade autónoma. Poderá acceder ao sorteo calquera residente en España e gozar da maioría dos premios antes do 22 de marzo.
-
Coincidindo co 40º aniversario do Convención do Patrimonio Mundial da UNESCO, o Grupo Cidades Patromonio de la Humanidad de España presentou a gastronomia local das súas 13 cidades coa exposición e cata dos seus produtos máis representativos. -
Turismo de Galicia dispón no recinto feiral dun stand de 200 metros cadrados. Intur está considerado un dos máis importantes certames de España na súa especialidade. O 7% dos viaxeiros aloxados en establecementos de turismo regrado que recibiu Galicia o ano pasado procedían de Castela e León. -
O programa "Aloxamentos conectados", do Ministerio de Industria, Enerxía e Turismo en colaboración coa Administración autonómica, apoia a incorporación de solucións tecnolóxicas en pemes hoteleiras e establecementos dedicados ao turismo rural na Comunidade galega.
-
Os cociñeiros Yayo Daporta e Alberto G. Prelcic cociñarán para o público mexicano, neste evento destinado a públicos especializados e de prestixio. Esta acción enmárcase dentro do Plan de promoción da marca turística España Verde, da que forman parte as comunidades autónomas de Galicia, Asturias, Cantabria e Euskadi.
-
O Xacobeo participa en Montreal na feira de turismo international “Tourisme voyages” e abre unha mostra sobre o Camiño en Melbourne. Ata o 15 de novembro, o Goethe–Institut Australien de Melbourne acolle a exposición sobre o Camiño, Memoria de peregrinación.
-
Esta Iniciativa reúne a máis de vinte países co obxectivo de sacar o maior partido posible dos bens turísticos que comparten e impulsan o posicionamento estratéxico da rexión. O encontro forma parte da estratexia da OMT de reforzar a cooperación en Europa con miras a incrementar a competitividade turística.
-
Ata o 1 de novembro exhíbese na Casa de Galicia en Madrid esta mostra didáctica sobre a historia e os contidos do Calixtino, a época na que se fixo e unha síntese da historia do Camiño e dos seus valores culturais. A mostra verase tamén en León, Málaga, Pamplona, Munich, Berlín ou Roma.
-
Responsables do Ministerio de Turismo israelí visitan o Xacobeo na busca de asesoramento e colaboración para promover en Israel a “Ruta do Evanxeo”. The Gospel Trail é unha rede de camiños que dende as aforas de Nazareth ata a costa do mar de Galilea transcorre polas terras que percorreu Xesús. Os representantes israelís percorren diferentes lugares do Camiño de Santiago e visitarán albergues e instalacións para peregrinos.
-
Trátase dunha mostra na que se recolle a evolución deste popular certificado de peregrinación dende 1733 a 1993, ata chegar aos catro modelos que actualmente expide a Catedral compostelá. Conta cunha ampla selección de documentos xacobeos realizada polo escritor Fernando Lalanda.
