Skip to main content

Notas

  • O proxecto Rentur desenvolve unha ferramenta para avaliar a rendibilidade social de iniciativas turísticas
    O Centro Cultural Marcos Valcárcel da Deputación de Ourense acolleu este venres a presentación do proxecto Rentur (Rendibilidade social nas decisións de investimento do turismo post-pandémico: clave para o desenvolvemento sostible en destinos de interior). Nel, un equipo da Universidade de Vigo leva a cabo o deseño e desenvolvemento dunha ferramenta innovadora para a avaliación da rendibilidade social de proxectos e produtos turísticos.
  • Un mes para The Wild Fest, o festival máis salvaxe e orixinal de Vigo
    The Wild Fest chega á súa sexta edición afianzándose como un dos festivais máis singulares de Galicia. Ademais da actuación dunha ducia de bandas nacionais, o festival chama a atención por celebrar The Wild Cinema, un festival de cinema medioambiental que proxectará máis dunha vintena de curtas internacionais. O certame, que terá lugar do 30 de agosto ao 1 de setembro, celébrase no parque forestal de San Miguel de Oia (Vigo).
  • O Museo Casa de la Troya poderá visitarse durante todo o verán, con percorridos pola pensión que recrea a vida universitaria de finais do XIX
    O Museo Casa de la Troya manterá abertas as súas portas durante todo o verán -ata mediados de outubro- para que composteláns e visitantes poidan percorrer a vella pensión de estudantes, inmortalizada por Alejandro Pérez Lugín na súa novela homónima. O horario de apertura é de 11:00 a 14:00 e de 16:00 a 20:00 horas, de martes a sábado, pechando os domingos e os luns.
  • O festival 17o Ribeira Sacra pecha o seu cartel máis completo con De Ninghures, o novo escenario de Praia fluvial da Cova e máis experiencias
    O Festival 17° Ribeira Sacra, que celebra a súa oitava edición do 26 ao 28 de xullo e que pertence a marca Festivales Territorio, completa cartel coas incorporacións do grupo De Ninghures e as sesións DJ de Señora DJ, Schultz e Tristón DJ. Ademais, engade dúas novas experiencias para o público: a cata Cervezas Alhambra, coas entradas dispoñibles desde este mércores na páxina web do festival.
  • A Xunta ofrece este verán 1.800 prazas de campamentos na provincia de Lugo
    A directora xeral de Xuventude, Lara Meneses, nunha visita co delegado territorial da Xunta, Javier Arias, ao albergue de Area, en Viveiro, destacou a oferta destas 1.800 prazas para rapaces de 9 a 17 anos. Nesta visita ao centro que albega 100 rapaces por quenda, entre eles 20 procedentes do Pais Vasco, dentro dos programas de intercambio, a representante da Consellería de Cultura, Lingua e Xuventude destacou o compromiso da Xunta coa mocidade galega "cunha programación de calidade que é xa un referente en todo o estado e que ofrece posibilidades de ocio en todas provincias”.
  • A partires do 20 de xullo volta o CourelSon a encher de vida as airas dos pobos do Courel
    Un ano máis, e xa van 5, a Asociación de Desenvolvemento Rural Serra do Courel ten o pracer de organizar o Courel Son, Jazz e Blues na Montaña. Serán catro grandes concertos en catro localidades distintas da serra, mantendo o obxectivo de dar vida a todos e cada un dos pobos do noso territorio, ao tempo que demostramos que, sexa a paraxe que sexa, dispoñemos dos mellores escenarios naturais.
  • Jornada de urbanismo y rehabilitación en O Courel
    La Casa de la Cultura de Quiroga acogió una jornada organizada por O Courel destino y futuro sobre la situación del urbanismo en la zona de O Courel. Este encuentro, en el que se profundizó en temas clave como el suelo rústico y el planeamiento territorial, ha sido una oportunidad para debatir y encontrar soluciones que promuevan un desarrollo sostenible en nuestra región.
  • Arcanxo Festival, a nova cita para os metaleiros galegos que traerá o metal internacional a Ponteareas
    O Arcanxo Festival celebrará a súa primeira edición con dous días de música metal internacional na Freixa, no municipio de Ponteareas. Será os días 19 e 20 de xullo, cun cartel cheo de bandas de metal tan recoñecidas como a brasileira Ratos de Porão, a sueca Enforcer, a belga Evil Invaders e a española Angelus Apatrida. O festival está organizado pola firma ponteareá de roupa We Play Metal, así como por ITP Promotions e 138 Producións.
  • Un estudo sobre a atención a peregrinos no Norte de Portugal gaña o VII Premio de Investigación da Cátedra do Camiño da USC
    O xurado do VII Premio de Investigación sobre o Camiño de Santiago e das Peregrinacións 2024, que outorga a Cátedra do Camiño de Santiago e das Peregrinacións da USC creada co apoio de Turismo de Galicia, acordou outorgarlle o galardón á tese de doutoramento Caminhos que se cruzam. A assistência aos peregrinos e viajantes no Norte de Portugal: as Misericórdias (séculos XVII e XVIII), defendida por Liliana Andreia Valente Neves no Instituto de Ciencias Sociais da Universidade do Minho, Portugal, no 2023.
  • A Cátedra do Camiño da USC estrea a maior base de datos con información de peregrinos a Compostela do s. XIX
    A Cátedra do Camiño e das Peregrinacións da USC, que xurdiu da colaboración da USC con Turismo de Galicia da Xunta de Galicia, acaba de estrear a Base de Datos de Peregrinos a Compostela (Badapeco), unha ferramenta dixital de consulta e traballo en liña que permitirá poñer en contacto a persoal investigador, docentes, universidades e centros de investigación interesados en estudar e achegar novos datos sobre peregrinas e peregrinos a Santiago de calquera época a partir de fontes bibliográficas e documentais.