Galicia rexistra no primeiro trimestre deste ano un 22,5% máis de ocupación nos aloxamentos turísticos que no mesmo período do pasado ano

Galicia rexistrou no primeiro trimestre deste ano un 22,5% máis de viaxeiros respecto ao mesmo período do anterior, segundo os datos recollidos no informe de Conxuntura Turística Hoteleira publicada hoxe polo Instituto Nacional de Estatística (INE).

Deste xeito, Galicia rexistrou en xaneiro un total de 717.562 viaxeiros e 1,3 M noites cunha estadía media de 1,8 noites. Os establecementos hoteleiros (hoteis e pensións) acadan unha porcentaxe de ocupación que supera nun 19% a do ano pasado, con 624.867 viaxeiros e 1,1 M noites.

Os establecementos extrahoteleiros, que engloban apartamentos turísticos, cámpings turismo rural e albergues incrementan tamén a súa ocupación en preto dun 52% con respecto ao primeiro trimestre do ano pasado, onde destaca especialmente a ocupación nos albergues que supera o 140%. En total, os establecementos extrahoteleiros recibiron 92.695 viaxeiros en 168.355 noites.