Galicia promove o turismo de reunións no evento especializado italiano TTG Incontri, en Rimini
Turismo de Galicia presenta a oferta turística de Galicia relacionada co turismo de reunións no evento TTG Incontri que se celebra ata o día 11 de outubro na cidade italiana de Rímini.
Durante a súa participación neste Salón Internacional de Turismo, que cada ano presenta as novidades do mercado aos profesionais do sector, Galicia promoverase como destino turístico para a organización de congresos, convencións e viaxes de incentivo ante os operadores turísticos italianos especializados nesta modalidade turística.
Representantes de Turismo de Galicia manterán xuntanzas cos operadores turísticos especializados en turismo de reunións máis importantes de Italia e achegarán información turística da Comunidade galega no punto de información habilitado para Galicia.
Infraestrutura galega
O turismo de reunións en Galicia experimentou un notable desenvolvemento durante os últimos anos, debido, en parte, ao incremento e mellora da infraestruturas precisas para a organización de congresos, convencións e viaxes de incentivo.
O incremento das prazas hoteleiras, a creación de pazos de congresos, a apertura de instalacións especiais para celebrar eventos e a aparición de empresas especializadas, son os factores máis salientables dentro do desenvolvemento desta modalidade turística en Galicia.
Galicia conta con tres pazos de congresos nas cidades da Coruña, Santiago de Compostela e Vigo e outras instalacións susceptibles de acoller eventos no resto das cidades galegas.
Ademais, a Comunidade galega conta con outras contornas que posibilitan a organización de todo tipo de reunións.
Nestes lugares pódense atopar aqueles atributos que teñen posibilitado o desenvolvemento turístico galego, como son a gastronomía, a paisaxe e o patrimonio artístico. Estes atractivos, unidos ás infraestruturas hoteleiras e de servizos, converten a Galicia nun destino ideal para a organización de reunións e eventos.
Turismo italiano
Nos oito primeiros meses do ano, un total de 80.994 italianos visitaron Galicia, o que supuxo que se rexistrasen 116.064 pernoitas de turistas procedentes de Italia en establecementos hoteleiros galegos. Deste xeito o mercado italiano supuxo para Galicia neste período o 12,3% do total de turistas rexistrados.
Estes datos supoñen un incremento do 26,7% no número de turistas italianos que visitaron Galicia os oito primeiros meses de 2014 en relación ao mesmo período de 2013.
Durante a súa participación neste Salón Internacional de Turismo, que cada ano presenta as novidades do mercado aos profesionais do sector, Galicia promoverase como destino turístico para a organización de congresos, convencións e viaxes de incentivo ante os operadores turísticos italianos especializados nesta modalidade turística.
Representantes de Turismo de Galicia manterán xuntanzas cos operadores turísticos especializados en turismo de reunións máis importantes de Italia e achegarán información turística da Comunidade galega no punto de información habilitado para Galicia.
Infraestrutura galega
O turismo de reunións en Galicia experimentou un notable desenvolvemento durante os últimos anos, debido, en parte, ao incremento e mellora da infraestruturas precisas para a organización de congresos, convencións e viaxes de incentivo.
O incremento das prazas hoteleiras, a creación de pazos de congresos, a apertura de instalacións especiais para celebrar eventos e a aparición de empresas especializadas, son os factores máis salientables dentro do desenvolvemento desta modalidade turística en Galicia.
Galicia conta con tres pazos de congresos nas cidades da Coruña, Santiago de Compostela e Vigo e outras instalacións susceptibles de acoller eventos no resto das cidades galegas.
Ademais, a Comunidade galega conta con outras contornas que posibilitan a organización de todo tipo de reunións.
Nestes lugares pódense atopar aqueles atributos que teñen posibilitado o desenvolvemento turístico galego, como son a gastronomía, a paisaxe e o patrimonio artístico. Estes atractivos, unidos ás infraestruturas hoteleiras e de servizos, converten a Galicia nun destino ideal para a organización de reunións e eventos.
Turismo italiano
Nos oito primeiros meses do ano, un total de 80.994 italianos visitaron Galicia, o que supuxo que se rexistrasen 116.064 pernoitas de turistas procedentes de Italia en establecementos hoteleiros galegos. Deste xeito o mercado italiano supuxo para Galicia neste período o 12,3% do total de turistas rexistrados.
Estes datos supoñen un incremento do 26,7% no número de turistas italianos que visitaron Galicia os oito primeiros meses de 2014 en relación ao mesmo período de 2013.
Gabinete de Comunicación da Xunta de Galicia
