Turismo e Balnegal colaboran na difusión do termalismo e da investigación
A secretaria xeral para o Turismo, Carmen Pardo, e mais o presidente da Asociación Galega da Propiedade Balnearia–Balnegal, Rafael Luaña, asinaron no Hotel Balneario Laias Caldaria, en Cenlle, un convenio de colaboración cuxo obxectivo é a difusión do termalismo en mercados de proximidade e mais en mercados internacionais, así como o fomento da investigación e o coñecemento da hidroterapia termal como remedio médico-terapéutico. No acto estivo presente tamén o presidente de Segittur-a Sociedade Estatal para a Xestión da Innovación e as Tecnoloxías Turísticas-, Antonio López de Ávila; que pasará hoxe o día na provincia de Ourense visitando distintos establecementos termais e que resaltou que foi precisamente Segittur quen impulsou a AITEGAL, dada a importancia estratéxica do sector termal na provincia de Ourense e en toda Galicia.
A Asociación Galega da Propiedade Balnearia constitúese en 1985 e está conformada por 18 dos 21 balnearios galegos. Na provincia da Coruña inclúense os balnearios de Carballo e de Compostela, en Brión; na provincia de Pontevedra, os de Brea, Cuntis, Mondariz, Caldelas de Tui, A Toxa e os de Caldas de Reis; na provincia de Ourense os balnearios situados en Arnoia, Baños de Molgas, Caldas de Partovia, O Carballiño, Laias e Lobios; e en Lugo as Termas Romanas de Lugo e mais o de Guitiriz.
O convenio recolle accións encamiñadas á difusión do termalismo en mercados de proximidade e a posta en operatividade dunha central de reservas para visitantes internacionais, coa adaptación e tradución dos contidos. Tamén se inclúe a vehiculación da promoción a través das redes sociais e a difusión da oferta termal a través de viaxes de familiarización para prescriptores internacionais. Do mesmo xeito, con este acordo preténdese asociar o turismo e a hidroterapia termal como remedio médico-terapéutico mediante a Cátedra de Hidroloxía Médica para dar a coñecer a imaxe de marca dos Balnearios de Galicia e presentar a oferta termal galega vinculada ao turismo de saúde, fomentando a actividade económica do sector turístico termal e consolidando a imaxe de Galicia como destino termal de referencia en España.
Dentro da Cátedra de Hidroloxía Médica enmárcanse accións como a realización de cursos e seminarios, a promoción e organización de actividades académicas que contribúan a facilitar a reflexión e o debate entre profesores e médicos de balnearios, así como promover a investigación no campo da Hidroloxía Médica e fomentar a colaboración entre a Universidade de Santiago de Compostela e o persoal sanitario.
O orzamento destinado ao convenio de colaboración ascende a 94.000 euros e executarase en dúas anualidades. A Secretaría Xeral para o Turismo aporta a este convenio o 84% do orzamento.
Galicia como destino termal
Nas súas declaracións aos medios de comunicación, a secretaria xeral para o Turismo, Carmen Pardo, recalcou que existe en Galicia unha “concentración espectacular de recursos termais porque temos máis de 300 mananciais, un por cada mil habitantes, e contamos coas augas máis quentes de Europa no tocante á temperatura máxima acadada”. Ademais explicou que Galicia conta cunha infraestrutura neste eido moderna e diversificada porque contamos con 21 establecementos balnearios, con 2.862 prazas, o 20% da oferta termal do Estado. O 52,3% dos establecementos termais de Galicia teñen 4 estrelas e o volume de negocio que xeran todos os balnearios achegase aos 60 millóns de euros e aos 14 mil empregos.
Segundo explicou Carmen Pardo, a secretaría xeral para o Turismo sacou neste 2012 unha orde de axudas de 1,7 millóns de euros para a creación e mellora de establecementos balnearios e talasos e no que vai de lexislatura lévase investido neste sector máis de 12 millóns de euros diversificados en 5 piares básicos: a innovación en materia termal –formación e calidade-; o plan de atracción de investimento privado; a promoción; a comercialización e a investigación.
Carmen Pardo falou tamén da futuras políticas termais nas que se traballa dende o seu departamento como a construción do primeiro Hotel Balneario-Escola da Península Ibérica, en Verín ou a Ruta da Auga Tranfronteiriza –ambos proxectos incluídos no POCTEP Eurorrexión Termal e da Auga-; o Museo Virtual da Auga –no POCTEP Aquaturnat-; o Plan Estratéxico de Termalismo de Ourense; o desenvolvemento do Produto Cabeceira de Marca Mananciais de Galicia; ou o apoio á internacionalización da Feira de Turismo Termal de Ourense-Termatalia, que este ano se celebrará na capital peruana en setembro.
A Asociación Galega da Propiedade Balnearia constitúese en 1985 e está conformada por 18 dos 21 balnearios galegos. Na provincia da Coruña inclúense os balnearios de Carballo e de Compostela, en Brión; na provincia de Pontevedra, os de Brea, Cuntis, Mondariz, Caldelas de Tui, A Toxa e os de Caldas de Reis; na provincia de Ourense os balnearios situados en Arnoia, Baños de Molgas, Caldas de Partovia, O Carballiño, Laias e Lobios; e en Lugo as Termas Romanas de Lugo e mais o de Guitiriz.
O convenio recolle accións encamiñadas á difusión do termalismo en mercados de proximidade e a posta en operatividade dunha central de reservas para visitantes internacionais, coa adaptación e tradución dos contidos. Tamén se inclúe a vehiculación da promoción a través das redes sociais e a difusión da oferta termal a través de viaxes de familiarización para prescriptores internacionais. Do mesmo xeito, con este acordo preténdese asociar o turismo e a hidroterapia termal como remedio médico-terapéutico mediante a Cátedra de Hidroloxía Médica para dar a coñecer a imaxe de marca dos Balnearios de Galicia e presentar a oferta termal galega vinculada ao turismo de saúde, fomentando a actividade económica do sector turístico termal e consolidando a imaxe de Galicia como destino termal de referencia en España.
Dentro da Cátedra de Hidroloxía Médica enmárcanse accións como a realización de cursos e seminarios, a promoción e organización de actividades académicas que contribúan a facilitar a reflexión e o debate entre profesores e médicos de balnearios, así como promover a investigación no campo da Hidroloxía Médica e fomentar a colaboración entre a Universidade de Santiago de Compostela e o persoal sanitario.
O orzamento destinado ao convenio de colaboración ascende a 94.000 euros e executarase en dúas anualidades. A Secretaría Xeral para o Turismo aporta a este convenio o 84% do orzamento.
Galicia como destino termal
Nas súas declaracións aos medios de comunicación, a secretaria xeral para o Turismo, Carmen Pardo, recalcou que existe en Galicia unha “concentración espectacular de recursos termais porque temos máis de 300 mananciais, un por cada mil habitantes, e contamos coas augas máis quentes de Europa no tocante á temperatura máxima acadada”. Ademais explicou que Galicia conta cunha infraestrutura neste eido moderna e diversificada porque contamos con 21 establecementos balnearios, con 2.862 prazas, o 20% da oferta termal do Estado. O 52,3% dos establecementos termais de Galicia teñen 4 estrelas e o volume de negocio que xeran todos os balnearios achegase aos 60 millóns de euros e aos 14 mil empregos.
Segundo explicou Carmen Pardo, a secretaría xeral para o Turismo sacou neste 2012 unha orde de axudas de 1,7 millóns de euros para a creación e mellora de establecementos balnearios e talasos e no que vai de lexislatura lévase investido neste sector máis de 12 millóns de euros diversificados en 5 piares básicos: a innovación en materia termal –formación e calidade-; o plan de atracción de investimento privado; a promoción; a comercialización e a investigación.
Carmen Pardo falou tamén da futuras políticas termais nas que se traballa dende o seu departamento como a construción do primeiro Hotel Balneario-Escola da Península Ibérica, en Verín ou a Ruta da Auga Tranfronteiriza –ambos proxectos incluídos no POCTEP Eurorrexión Termal e da Auga-; o Museo Virtual da Auga –no POCTEP Aquaturnat-; o Plan Estratéxico de Termalismo de Ourense; o desenvolvemento do Produto Cabeceira de Marca Mananciais de Galicia; ou o apoio á internacionalización da Feira de Turismo Termal de Ourense-Termatalia, que este ano se celebrará na capital peruana en setembro.
Gabinete de Comunicación da Xunta de Galicia
