Galicia lanza en Venecia o proxecto i-Speed de fomento do turismo a través das TIC
A secretaria xeral para o Turismo, Carmen Pardo López, participa xunto con outros nove socios de nove países na reunión de lanzamento do proxecto Interreg IVC i-Speed. O proxecto ten entre os seus obxectivos a mellora da efectividade das políticas rexionais e locais relacionadas coa Sociedade da Información e o Desenvolvemento Económico a través dun amplo intercambio de experiencias a nivel político, dirixidas a identificar, analizar e transferir as boas prácticas no uso eficiente dos servizos baseados nas Tecnoloxías da Información e da Comunicación (TIC) para fomentar a competitividade e a sostenibilidade da Economía do Turismo.
Entre os obxectivos específicos do i-Speed está o de incrementar a conciencia dos políticos cara o potencial das tics e ferramentas online, asegurando a innovación na xestión e crecemento da produtividade na Economía do Turismo. Así mesmo, o traballo pretende fomentar a cooperación entre o sector público e privado no marco da Economía do Turismo e fomentar o atractivo económico das rexións da UE e apoiar a adaptación de políticas rexionais e locais cara a cambios socioeconómicos máis importantes.
Entre os resultados agardados de cara ao remate do i-Speed están a mellora das políticas rexionais e locais para o desenvolvemento de servizos públicos baseados nas tics co obxectivo de incrementar a produtividade e competitividade de negocios e empresas; o maior e máis xeneralizado ‘saber facer’ dos socios a respecto das solucións baseadas nas TICs para a Economía do Turismo ou a mellor cooperación e diálogo entre o sector público e os actores privados no marco da Economía do Turismo.
Orzamento e duración do proxecto i-Speed
O proxecto ten unha duración de 36 meses e o partenariado do mesmo está composto exclusivamente por autoridades locais e rexionais directamente encargadas da definición das políticas ás que se dirixe este proxecto. O consorcio está formado por socios europeos, equiparando autoridades locais con menos experiencia con rexións ou cidades máis avanzadas. Foron escollidos diferentes contextos para estudar solucións que poidan ser transferibles a un maior número de países.
No proxecto, cuxo presuposto supera o 1.400.000 euros, participan dez socios de nove países: Italia, Noruega, Polonia, Bulgaria, Grecia, Reino Unido, España, Romanía e Holanda.
Nesta primeira reunión de lanzamento, terá lugar un intercambio de experiencias entre os socios e realizaranse análises DAFO da situación socioeconómica dos seus territorios sobre a base dunha metodoloxía común. Estas análises serán o punto de partida para o intercambio de experiencias que serán discutidas no primeiro workshop que se celebrará en abril.
Entre os obxectivos específicos do i-Speed está o de incrementar a conciencia dos políticos cara o potencial das tics e ferramentas online, asegurando a innovación na xestión e crecemento da produtividade na Economía do Turismo. Así mesmo, o traballo pretende fomentar a cooperación entre o sector público e privado no marco da Economía do Turismo e fomentar o atractivo económico das rexións da UE e apoiar a adaptación de políticas rexionais e locais cara a cambios socioeconómicos máis importantes.
Entre os resultados agardados de cara ao remate do i-Speed están a mellora das políticas rexionais e locais para o desenvolvemento de servizos públicos baseados nas tics co obxectivo de incrementar a produtividade e competitividade de negocios e empresas; o maior e máis xeneralizado ‘saber facer’ dos socios a respecto das solucións baseadas nas TICs para a Economía do Turismo ou a mellor cooperación e diálogo entre o sector público e os actores privados no marco da Economía do Turismo.
Orzamento e duración do proxecto i-Speed
O proxecto ten unha duración de 36 meses e o partenariado do mesmo está composto exclusivamente por autoridades locais e rexionais directamente encargadas da definición das políticas ás que se dirixe este proxecto. O consorcio está formado por socios europeos, equiparando autoridades locais con menos experiencia con rexións ou cidades máis avanzadas. Foron escollidos diferentes contextos para estudar solucións que poidan ser transferibles a un maior número de países.
No proxecto, cuxo presuposto supera o 1.400.000 euros, participan dez socios de nove países: Italia, Noruega, Polonia, Bulgaria, Grecia, Reino Unido, España, Romanía e Holanda.
Nesta primeira reunión de lanzamento, terá lugar un intercambio de experiencias entre os socios e realizaranse análises DAFO da situación socioeconómica dos seus territorios sobre a base dunha metodoloxía común. Estas análises serán o punto de partida para o intercambio de experiencias que serán discutidas no primeiro workshop que se celebrará en abril.
Gabinete de Comunicación da Consellería de Cultura e Turismo da Xunta de Galicia
