A Oficina Municipal de Información Turística de Tui recibiu este verán 28 mil consultas
A Oficina Municipal de Información Turística de Tui tivo este verán un total de 28.057 consultas. Esta cifra supera en 3.119 á rexistrada no mesmo período de 2004. Estudando os datos xerais dos meses de xullo, agosto e setembro e comparándoos cos do ano anterior, extraese un incremento de 3.030 consultas de turistas nacionais, e de 80 de turismo estranxeiro.
O principal incremento no número de turistas con respecto a 2004 rexistrouse no mes de agosto pasando das 11.100 consultas do ano anterior ás 15.258 deste ano. En xullo a cifra subiu lixeiramente dos 7.851 de 2004 aos 7.893 de 2005, mentres que por contra en setembro baixou o número de consultas das 5.987 de 2004 ás 4.906 deste ano.
Con respecto a 2004 subiu lixeiramente a cifra do turismo nacional que pasa pola cidade representando o 87,22% este ano, mentres que o ano pasado foi do 85,94%. Por contra rexistrouse unha lixeira baixada do turismo estranxeiro que pasou do 14,06% no verán de 2004 ao 12,78% este verán.
Non houbo sen embargo apenas variacións no tempo de permanencia dos visitantes na cidade. O 95% segue a ser turismo de paso, e só o 5% restante permanece na cidade máis dun día.
O principal incremento no número de turistas con respecto a 2004 rexistrouse no mes de agosto pasando das 11.100 consultas do ano anterior ás 15.258 deste ano. En xullo a cifra subiu lixeiramente dos 7.851 de 2004 aos 7.893 de 2005, mentres que por contra en setembro baixou o número de consultas das 5.987 de 2004 ás 4.906 deste ano.
Con respecto a 2004 subiu lixeiramente a cifra do turismo nacional que pasa pola cidade representando o 87,22% este ano, mentres que o ano pasado foi do 85,94%. Por contra rexistrouse unha lixeira baixada do turismo estranxeiro que pasou do 14,06% no verán de 2004 ao 12,78% este verán.
Non houbo sen embargo apenas variacións no tempo de permanencia dos visitantes na cidade. O 95% segue a ser turismo de paso, e só o 5% restante permanece na cidade máis dun día.
Concellería de Cultura, Comercio, Turismo e Medios de Comunicación do Concello de Tui
