Skip to main content

O Camiño Inglés e o tramo Fisterra-Muxía, promocionados na World Travel Market de Londres

Por primeira vez, a Deputación participará nesta importante feira turística cun stand propio, especialmente dedicado ao Camiño de Santiago, especificamente ao Camiño Inglés e ao Camiño Fisterra-Muxía, co obxectivo de fomentar o coñecemento dos mesmos e posibilitar que maior numero de peregrinos e turistas se animen a percorrer estas rutas situadas na provincia da Coruña.

O deputado de Economía e Facenda, Antonio Leira, participará estes días na capital británica en diversos actos e reunións incluidas no programa do evento. Hoxe mesmo, tras a inauguración da feira, a delegación coruñesa recibiu a visita da ministra en funcións de Industria, Comercio e Turismo, Reyes Maroto.

Durante esta semana, os miles de visitantes que acolle a WTM de Londres poderán coñecer material promocional da provincia e, en concreto, destes dous itinerarios xacobeos que discorren íntegramente pola provincia da Coruña. Ademáis, na feira presentarase o novo video de promoción turística do Camiño Inglés, con referencias aos 18 concellos que atravesa este itinerario xacobeo (Ferrol, Narón, Neda, Fene, Cabanas, Pontedeume, Miño, Paderne, Betanzos, Abegondo, A Coruña, Culleredo, Cambre, Carral, Mesía, Ordes, Oroso e Santiago).

Por outro lado, os membros da Deputación da Coruña asistirán a un cóctel que terá lugar esta tarde na Embaixada de España no Reino Unido para todas as administracións públicas que participan na WTM e no que se presentará un novo produto turístico denominado "Art, Design & Fashion Green Spain".
Deputación da Coruña